PASTORES

E cantu azis sueradu
Die e notte andende indomu
Arricchinde su padronu
De unu saltu arestadu
Desertu e abbandonadu!
Eppuru in tantu abbandonu
L’ azis pagadu che bonu
A sos riccos possessores!
Ora est chi bos liberades
Dae sos isfruttadores!


Pastores sardos chi fama
Azis de razza virile:
pro su modernu cuile
faghide custu programma:
de istradas una trama,
lozas, lughe, abba e fenile;
pro unu biver zivile
de bonos trabagliadores!


Est tempus chi bos movedas!
Aunidebos, pastores
Dae sos isfuttadores
Ora est chi bos liberedas!!!

Raimondo Piras giugno 1967